في جُمـود..

في غياهيـب الظلام 

في متاهات السنين 

بين صعب وبين لِين

والألم وسطِ الزحام.. 

من ثرى الآلام بان 

أوّل الغيث الثمين

أشرَق برمح السلام 

وابتدى عهدٍ جديد 

به صدى الأمجاد قام

سطّر المجد التليد 

مثْلِ صقرٍ يوم حام 

كلَ صعبٍ جا يبيد 

خلفه رجالٍ عظـام 

له تلبّـي ما يريـد

في نسانيس طِيب الباديه والنخيل

لاح فخر العروبه من قديم الزمان 

من فيافي الكرامه انطوى ألف ليل 

وسلهم الصبح مجده يوم حيّا و بان

لين غَرّبـها بيدينـه 

صوب أركان السلام

مهبط الوحيَ و مكانه 

واطهَر رياض الأنام 

على هامِ الفَخَـر رفرف 

قصيدٍ بالطروب اللِين 

سهولٍ من ربيع العزّ 

ووديانِ الزَهَر كلْ حين 

عزّها الرحمن وحده ثمْ معزّي 

يوم وَحّدهـا وبدَت احلى حكايه

من سنين القيظ يوم انّا بدينا 

كانت الايام ذيك احلى بدايه 

شعبِ واحد يا دياري قلب واحد

واصلي وحنّـا معك لين النهايه